ნანუკა ჟორჟოლიანი, რომლის სახლშიც გუშინ პროკურატურის თანამშრომლები ჩხრეკაზე შევიდნენ, ელოდება, რომ უახლოეს 10 დღეში ბრალს წაუყენებენ.

“”ოცნება” ყველაფერს იკადრებს. თუ გადაწყვეტს და ჩათვლის, რომ ნანუკას დაჭერა საჭიროა, ნანუკას აუცილებლად დაიჭერს. ამიტომ მე გააზრებულ ბრძოლაში ვარ შესული” – ამბობს ჟურნალისტი “ტვ პირველის” ეთერში.

“ოცნება” ყველაფერს იკადრებს. თუ გადაწყვეტს და ჩათვლის, რომ ნანუკას დაჭერა საჭიროა, ნანუკას აუცილებლად დაიჭერს. ძალიან გააზრებულ ბრძოლაში ვარ შესული. ისინი ყველაფერს იკადრებენ, ამიტომ მე გააზრებულ ბრძოლაში ვარ. ზუსტად ვიცი, რომ უახლოეს 10 დღეში ბრალს წამიყენებენ. დიდხანს არ გაწელავენ. შემდეგ დააკვირდებიან, ბრალის წარდგენა რა გავლენას მოახდენს. ყველაზე მთავარი არის ის, ადამიანებმა იცოდნენ, რომ ეს ყველაფერი მათ დასაშინებლად ხდება. მათი რეაქცია უნდა იყოს, რომ არა, არ მეშინია”. – განაცხადა ნანუკა ჟორჟოლიანმა.

შეგახსენებთ, რომ გუშინ დილა თბილისში ჩხრეკების სერიით დაიწყო – 29 აპრილს პროკურატურის თანამშრომლებმა „ნანუკას ფონდის“ დამფუძნებლის, ნანუკა ჟორჟოლიანის; მისი შვილის, მარიამ გეგუჩაძის; აქტივისტ მარიამ ბაჯელიძის; არასამთავრობო ორგანიზაცია „ადამიანის უფლებათა ცენტრის“ ხელმძღვანელის, ალეკო ცქიტიშვილისა და ფონდის, „ერთმანეთისთვის 24/7-ის“ დამფუძნებლის, გუგა ხელაძის საცხოვრებელ ბინებში ჩხრეკა ჩაატარეს.