ბათუმის საქალაქო სასამართლოში „ნეტგაზეთისა“ და „ბათუმელების“ დამფუძნებლის, მზია ამაღლობელის პროცესი მიმდინარეობს.
ამ საქმეზე სასამართლოს ჩვენება უნდა მისცეს ბათუმის პოლიციის უფროსმა ირაკლი დგებუაძემაც, რომელიც სილის გაწვნის გამო პროკურატურამ დაზარალებულად მიიჩნია, თუმცა უცნობია, მოხდება თუ არა მისი გამოკითხვა დღეს.
პროცესის პარალელურად აჭარის პოლიიციის მთავარ სამართვლოსთან აქცია-პერფორმანსი გაიმართა
აქციის მონაწილეებმა პროტესტის ნიშნად ადგილზე მიიტანეს პირველადი დახმარების ნივთები, რათა დაუტოვონ პოლიციის უფროსს, ირაკლი დგებუაძეს, რომელიც მთელი ეს პერიოდია ამტკიცებს, რომ მას მზია ამაღლობელის მიერ გაწნილი სილის შემდეგ დახმარება დასაჭირდა.
ეს არის ამონარიდი დგებუაძის ჩვენებიდან, “გაუწითლდა ლოყა” – მზიას სილის გაწნის შემდეგ, განიცადა ტკვილი. ეს არის ჩვენება დოკუმენტში – მზიას ედავებიან, რომ თითქოს თავს დაესხა.
ჩვენ რა ვქენით, მოვიტანეთ კოლხური მალამეობი, კეტონალები, ბამბა, სპირტი.. ვაპირებთ რომ დავუტოვოთ მათ”- თქვა მან.
მზია ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს. მზია ამაღლობელი, ბათუმში, პოლიციის მთავარ სამმართველოსთან აქციის დროს თავდაპირველად ადმინისტრაციული წესით დააკავეს, დაახლოებით ორ საათში გამოუშვეს. გათავისუფლებიდან რამდენიმე წუთში კი, ის სამმართველოსთან კვლავ დააკავეს.