პროკურატურა “ძლიერი საქართველოს” ლიდერისთვის, მამუკა ხაზარაძისთვის ე.წ. საგამოძიებო კომისიის “მოთხოვნის შეუსრულებლობის” გამო, აღკვეთი ღონისძიების სახით 50 000-ლარიანი გირაოს შეფარდებას ითხოვს.
შეგახსენებთ, რომ პროკურატურამ, “პარლამენტის დროებითი საგამოძიებო კომისიის კანონიერი მოთხოვნის შეუსრულებლობის” ფაქტზე, სისხლის სამართლის კოდექსის 349-ე მუხლით მამუკა ხაზარაძეს ბრალდება გუშინ წარუდგინა.
მანამდე თეა წულუკიანის ე.წ. საგამოძიებო კომისიამ მამუკა ხაზარაძე სხდომაზე დაიბარა, რაზეც პოლიტიკოსმა უარი განაცხადა. სწორედ ამის გამო, წულუკიანის მიმართვის საფუძველზე, პროკურატურამ ხაზარაძის საქმეზე გამოძიება დაიწყო.