აგვისტოს ომთან დაკავშირებით წულუკიანის კომისიის გამოძიების პარალალურად, ცხინვალის დე ფაქტო რეჟიმი ქართულ მხარეს ახალ მოთხოვნას უყენებს. ამის შესახებ “პირველებთან” „რადიო თავისუფლების“ კორესპოდენტი შიდა ქართლში გოგა აფციაური საუბრობს. მისი თქმით, ოკუპირებული ცხინვალის ე.წ. საგარეო უწყების განცხადების შემდეგ, რომელიც ქართველ ჯარისკაცებს “სამხედრო დამნაშავეებად” მოიხსენიებს, ოსურ ტელეგრამ არხებზე უკვე გაჟღერდა მოთხოვნა ქართველი სამხედროების და გენერლების ოსური მხარისთვის გადაცემის შესახებ.

დღეს ვკითხულობდი მთელი დღის განმავლობაში ოსური პრესა როგორ ეხმაურება. იქაური საგარეო საქმეთა სამინისტრო უკვე გამოეხმაურა და იმედი გვაქვს, რომ დასჯითო ამ სამხედრო ე.წ. დანაშაულში მხილებულ პირებს, რომელსაც თქვენი კომისია ამხელსო და მათ უწოდეს უკვე სამხედრო დამნაშავეები. ოსურ ტელეგრამ არხებზე ამ განცხადებასაც არ დასჯერდნენ, რომელიც მათმა ე.წ. საგარეო საქმეთა სამინისტრომ გაავრცელა და იქ უკვე ითხოვენ კომენტარებით და იქაური პოლიტიკური ოპოზიციის წარმომადგენლები, რომ ქართულმა მხარემ გადმოგვცეს ეს ე.წ. სამხედრო დამნაშავეები და გენერლები, რომლებიც ოსი ხალხის გენოციდს უწყობდნენ ხელსო. უკვე გადაცემის მოთხოვნა დგება დღის წესრიგში. შევაფასოთ, ვიფიქროთ, ვიმსჯელოთ რას ემსახურება, ვის ემსახურება, ვის წისქვილზე ასხამს წყალს და სწორედ ის, რომ „ნაბან წყალს ბავშვი არ გადავაყოლოთო“ ამ პრინციპიდან რომ არ გამოვდივართ და ჩვენს შეცდომებზე ვერ ვსწავლობთ, – ამბობს „რადიო თავისუფლების“ კორესპოდენტი შიდა ქართლში გოგა აფციაური.

ოლიგარქის პარტია 2008 წლის ომის გამოძიებას ხელახლა იწყებს. აგვისტოს ომის მონაწილე გმირები პირდაპირ ამბობენ, რომ რეჟიმი მათ შეურაცხყოფას აყენებს და რუსეთის დავალებას ასრულებს.

მიზანი ოპოზიციისთვისაც თვალსაჩინოა: რუსეთს ჰააგის სასამართლოს განაჩენის გადახედვა უნდა და ამას ივანიშვილის მარიონეტების დახმარებით აგვარებს.

წულუკიანის ისტორის გაკვეთილების შემდეგ ცხინვალის დეფაქტო რეჟიმი ადანაშაულებს საქართველოს გენოციდის მოწყობაში და ქართველების დასჯას ითხოვს.