„ლიდერ ქალთა საზოგადოებამ” გამორჩეული-მე-11 საქველმოქმედო ღონისძიება წარმატებით გამართა, რომელიც ორმაგი მნიშვნელობის მატარებელი გახლდათ.
ერთი მხრივ, ღონისძიება მიზნად ისახავდა რთულ ბრძოლაში მყოფი ადამიანებისთვის უმნიშვნელოვანესი ემოციური და მენტალური მხარდაჭერის გამოხატვას. ონკოლოგიური პაციენტების, კერძოდ კი ძუძუს კიბოთი დაავადებული ქალბატონებისთვის და ამ თემის მიმართ საზოგადოების ცნობიერების ამაღლებისათვის.
მეორე მხრივ კი – ორგანიზაციის რიგებში ახალი, ღირსეული წევრების მიღებასა და საზოგადოების წინაშე წარდგენას.
„ლიდერ ქალთა საზოგადოება” აგრძელებს თავის მნიშვნელოვან მისიას – საქართველოში მოღვაწე წარმატებული ქალების წვლილის აღიარებასა და მათი მიღწევების წარმოჩენას.
ამ ღონისძიებაზე ორგანიზაციამ თავი მოუყარა ასობით გამორჩეულ ქალბატონს, რომლებიც თავიანთი საქმიანობით შთაგონებას სძენენ საზოგადოებას და მნიშვნელოვან გავლენას ახდენენ ქვეყნის განვითარებაზე.
წლების განმავლობაში „ლიდერ ქალთა საზოგადოება” რჩება ერთ-ერთ უმნიშვნელოვანეს პლატფორმად, სადაც წარმატებული ქალები ერთიანდებიან კეთილი საქმეების განსახორციელებლად და საზოგადოებაში პოზიტიური ცვლილებების დასამკვიდრებლად