ბათუმელი მედროშე, თემურ ქათამაძე 2 800 ლარით დააჯარიმეს – გადაწყვეტილება მოსმართლე ლელა ცაგარეიშვილმა ცოტა ხნის წინ გამოაცხადა.
კლინიკა “ვივა მედის” დირექტორმა ნინო ნადირაძემ ბათუმელ მედროშეს სასამართლოში უჩივლა. ის თემურ ქათამაძეს ფიზიკური დ სიტყვიერი შეურაცხყოფის მიყენებაში ადანაშაულებდა.
ნადირაძის მტკიცებით, ქათამაძემ “ფიზიკური შეურაცხყოფა” მიაყენა.
თემურ ქათამაძე დღეს ნინო ნადირაძისთვის, როგორც სიტყვიერი შეურაცხყოფის მიყენებას, ისე ფეხის მოქნევას უარყოფდა და ამბობდა, რომ მათ ინცინდენტი მკურნალობის მეთოდზე მოხდა.
პროცესზე გამოიკითხნენ მოწმეები, რომლებიც ინციდენტს უშუალოდ შეესწრნენ.
ქათამაძეს შინაგან საქმეთა სამინისტრო ადმინისტრაციულ სამართალდარღვევათა კოდექსის 166-ე მუხლით გათვალისწინებული ქმედების ჩადენას ედავებოდა, რაც წვრილმან ხულიგნობას გულისხმობს.