პროკურატურიდან ვიცი, რომ ახლა ემზადებიან წამიყენონ ახალი ბრალი რაღაც დარღვევებზე. ყველაფრისთვის მზად ვარ, ამას გიცვლით ერთადერთ თხოვნაში – თანხას ყადაღა მოხსნათ და ფონდმა გააგრძელოს ის საქმიანობა, რისთვისაც შეიქმნა, – ამის შესახებ „ნანუკას ფონდის“ დამფუძნებელმა ნანუკა ჟორჟოლიანმა განაცხადა.
ჟორჟოლიანის თქმით, მძიმე დიაგნოზის მქონე 11 ადამიანი, საიდანაც ოთხი ბავშვია, ახლა სასწრაფო დახმარებას და მკურნალობის დაწყებას საჭიროებს, თუმცა ბანკებში გაყინული ფულის გამო, ფონდები ოჯახებს ვერ ეხმარებიან.
ტელეწამყვანს ივანიშვილის რეჟიმისთვის შეთავაზება აქვს- მოიხსნას ყადაღა ანგარიშებზე და ეს ფული სრულად მოხმარდება გადაუდებელი პაციენტების მკურნალობის ანაზღუარებას.
პატიმრებისთვის თანხის ჩარიცხვის უფლება მე მქონდა ოფიციალურად, ასევე, მე როდესაც ვყიდულობდი აირწინაღს, მე ვიცავდი მათ ჯანმრთელობას. ლობიანებსაც უკანონოდ ვერ ჩამითვლიან, რადგან კვება წერია, ასევე შეიძლება თქვან, რომ საწვიმარი რა ქველმოქმედებაა, წვიმისგან იცავდი? შეიძლება აქ მედავონ. მათი ბრალი დაცლილია სამართლიანობისგან.
მივმართავ გენერალურ პროკურორს, გაბიტაშვილს, მე ვდებ საჯარო პირობას, რომ არცერთ ამ შინაარსში, ჩემი და თქვენი გადსახადიდან, პოლიტიკურ კონტექსტში, აქცია პოლიტიკური კონტექსტია, აბა რა არის, აღარ გადავრიცხავ არცერთ ლარს, 400 ათას ლარზე მეტი, რომელიც დამიყადაღეთ და ხვალ კიდევ იქნება ჩემი ფონდის ანგარიშზე, გამოყენებული იქნება მხოლოდ იმ ბავშვებზე, რომლებიც სიცოცხლისთვის იბრძვიან, მხოლოდ იმ ადმიანებზ რომლებსაც შიათ, სწყურიათ, ელექტროენერგიას უჭრიან და რომლებიც ღია ცის ქვეშ რჩებიან. სხვა შინაარსი და სხვა კონტექსტი, ჩემ არცერთ თეთრის გადარიცხვას აღარ ექნება და გთხოვთ, მომხსნათ ყადაღა,- ამბობს ნანუკა ჟორჟოლიანი.