“გუშინ, ვლადიმერ პუტინის აშშ-ის პრეზიდენტ, დონალდ ტრამპთან საუბრის შემდეგ, როცა პუტინმა თქვა, რომ უკრაინულ ენერგეტიკაზე შეჩერდება თავდასხმა, 150 დრონი გაუშვეს ჩვენი მიმართულებით, მათ შორის დარტყმები განხორციელდა ენერგეტიკის ობიექტებზე, ტრანსპორტზე, დაზიანდა ორი საავადმყოფო, სამოქალაქო ინფრასტრუქტურა. პუტინის სიტყვები რეალობისგან განსხვავდება”.
– განაცხადა უკრაინის პრეზიდენტმა, ვოლოდიმირ ზელენსკიმ პრესკონფერენციაზე. შეგახსენებთ, რომ გუშინ, დონალდ ტრამპსა და ვლადიმერ პუტინს შორის სატელეფონო საუბარი შედგა. კრემლის ცნობით, სატელეფონო საუბრისას, პუტინმა მხარი დაუჭირა ტრამპის იდეას, რუსეთისა და უკრაინის მიერ ენერგეტიკულ ობიექტებზე თავდასხმების ორმხრივი 30-დღიანი უარის თქმის შესახებ.