ბათუმის საქალაქო სასამართლოში მზია ამაღლობელის საქმის არსებითი განხილვა მიმდინარეობა. დარბაზში იმყოფება თავად ჟურნალისტიც.
მოსამართლე ნინო სახელაშვილი მხარეების შესავალ სიტყვას მოისმენს და შუამდგომლობებს განიხილავს.
მზია ამაღლობელის პროცესს დიპლომატიური უწყების წარმომადგენლებიც ესწრებიან.
„თავისუფლება რეჟიმის ტყვეებს“ – მსგავსი პლაკატები მიიტანეს მზია ამაღლობელის მხარდამჭერებმა დარბაზში.
„ბათუმელებისა“ და „ნეტგაზეთის“ დამფუძნებელს პოლიციელზე თავდასხმას ედავებიან – აღნიშნული მუხლი 4-დან 7 წლამდე თავისუფლების აღკვეთას ითვალისწინებს.
აღსანიშნავია, რომ მზია ამაღლობელის საქმეს არსებითად სანქცირებული მოსამართლე ნინო სახელაშვილი განიხილავს. ის ესტონეთმა 2025 წლის 3 მარტს დაასანქცირა სწორედ „მზია ამაღლობელის საქმეზე“ შეიყვანა შავ სიაში.
მზია ამაღლობელის უფლებადამცველები პირდაპირ ამბობენ, რომ ნინო სახელაშვილმა გაყალბებული დოკუმენტის საფუძველზე მზია ამაღლობელს პატიმრობა შეუფარდა. ამის შემდეგ სახელაშვილი, რომელიც გამოსაცდელი ვადით იყო დანიშნული, მოსამართლედ უვადოდ გაამწესეს.