სააკაშვილმა იმდენი გააკეთა ქვეყნისთვის, არავის რომ არ გაუკეთებია, ამიტომ ისჯება, – ასე აფასებს მესამე პრეზიდენტის დედა მოსამართლე მიხეილ ჯინჯოლიას გამოტანილ ვერდიქტს. გიული ალასანია პირდაპირ ამბობს, რომ ივანიშვილის მთავარ სამიზნეს სწორედ მიხეილ სააკაშვილი წარმოადგენს.

აქ გვაქვს საქმე ადამიანთან, რომელმაც ისეთი გააკეთა საქართველოსთვის, იმდენი გააკეთა, არავის რომ არ გაუკეთებია არასდროს და ამიტომ ისჯება. მე ის მიკვირს, რომ ყველაფრის შემდეგ საზოგადოების ნაწილი მაინც ვერ მიხვდება, რომ ეს არის, სააკაშვილია მთავარი სამიზნე ივანიშვილის და მეტი არავინ. ერთი მხრივ არის ადამიანი, რომელმაც ყველაფერი გააკეთა ამ ქვეყნისთვის და არის ქვეყანა, რომელმაც აი, ეს გაუკეთა მას, – ამბობს გიული ალასანია.

ე.წ. საღვრის კვეთის საქმეზე მიხეილ სააკაშვილს 4 წლით და 6 თვით პატიმრობა მიესაჯა. გადაწვეტილება მოსამართლე მიხეილ ჯინჯოლიამ ცოტა ხნის წინ გამოაცხადა. აღსანიშნავია, რომ მოსამართლემ დისკრეციული უფლება გამოიყენა და ე.წ. პიჯაკების საქმის განაჩენს ზევიდან 4 წლით და 6 თვით სასჯელი დაუმატა. ჯამში, მესამე პრეზიდენტს თავისუფლების აღკვეთა 12 წლით და 6 თვით განესაზაღვრა.

ვერდიქტის გამოცხადებას დარბაზში ხმაური მოჰყვა. “მონა!” – ასე მიმართავდნენ სააკაშვილის მხარდამჭერები მოსამართლეს.