ბურთი ახლა რუსეთის მოედანზეა, – ამის შესახებ აშშ-ის სახელმწიფო მდივანმა მარკო რუბიომ ჯიდაში უკრაინელ მაღალჩინოსნებთან შეხვედრების შემდეგ მედიასთან განაცხადა.
მისივე თქმით, თუ რუსები უარს იტყვიან “მაშინ, სამწუხაროდ, გვეცოდინება, რა არის მშვიდობისთვის შემაფერხებელი”.
რუბიოს თქმით, უკრაინამ და შეერთებულმა შტატებმა გადადგეს “პოზიტიური ნაბიჯი” დღევანდელ მოლაპარაკებებზე.
რუბიო ამბობს, რომ აშშ ახლა “წინადადებით რუსებთან მივა” და იმედოვნებს, რომ ისინი დათანხმდებიან.
ამერიკა-უკრაინის დელეგაციების შეხვედრა საუდის არაბეთში დასრულდა. შეხვედრის დასრულების შემდეგ გახდა ცნობილი, რომ ამერიკა უკრაინისთვის სამხედრო დახმარებასა და სადაზვერვო ინფორმაციის გაზიარებას დაუყოვნებლივ განაახლებს.