მთავარისიახლეებისაზოგადოებასასამართლომ გიორგი ბაჩიაშვილს 11-წლიანი პატიმრობა შეუფარდა

სასამართლომ გიორგი ბაჩიაშვილს 11-წლიანი პატიმრობა შეუფარდა

Published on

თბილისის საქალაქო სასამართლომ “თანაინვესტირების ფონდის” ყოფილ ხელმძღვანელს, გიორგი ბაჩიაშვილს ე.წ. ბიტკოინების საქმეზე 11 წლიანი პატიმრობა შეუფარდა.

გადაწყვეტილება მოსამართლე გიორგი გელაშვილმა რამდენიმე წუთის წინ გამოაცხადა.

დიდი ოდენობით თანხის მითვისებაში, ასევე უკანონო შემოსავლის ლეგალიზაციაში გიორგი ბაჩიაშვილი მოსამართლემ დამნაშავედ გამოაცხადა.

თანხის მითვისების ნაწილში, ბიზნესმენს, რომელმაც ქვეყანა დატოვა, 10 წლით თავისუფლების აღკვეთა განუსაზღვრა, ხოლო უკანონო შემოსავლის ლეგალიზაციაში 11 წლით თავისუფლების აღკვეთა მიუსაჯა.

საბოლოოდ, კანონმდებლობის თანახმად, ამ უკანასკნელმა 10-წლიანი სასჯელი შთანთქა და ბიძინა ივანიშვილის ყოფილ პირად ფინანსისტს თავისუფლების აღკვეთა 11 წლით განესაზღვრა.

აღსანიშნავია, რომ გიორგი ბაჩიაშვილს ბრალი საქართველოს სახელმწიფო საზღვრის უკანონო კვეთის საქმეზეც აქვს წაყენებული და აღკვეთის ღონისძიების სახით პატიმრობა აქვს შეფარდებული.

4 მარტს, გიორგი ბაჩიაშვილმა სოციალურ ქსელში პოსტი გამოაქვეყნა, სადაც წერდა, რომ საქართველო დატოვა. ბაჩიაშვილის თქმით, ქვეყნის დასატოვებლად “სისტემაში არსებული ხვრელები და ადამიანები” გამოიყენა.

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...