ამერიკელი კონგრესმენები დონალდ ტრამპს წერილით მიმართავენ – კანონმდებლები ამერიკის პრეზიდენტს შეახსენებენ, რომ უკრაინაში ომის დასრულების საუკეთესო გზა უკრაინის შეიარაღებით დახმარება.

40-მდე ამერიკელი კანონმდებელი ტრამპს წერს, რომ მისი პოლიტიკა რუსეთისთვის, მისი მარიონეტებისა და დიქტატორებისთვის კომფორტის შექმნისკენ არ უნდა იყოს მიმართული.

როდესაც შეერთებული შტატები დგას ბელარუსთან – რუსეთის მარიონეტ სახელმწიფოსთან და ჩრდილოეთ კორეასთან – ჩაფლავებულ, თაღლით, ბირთვული იარაღით შეიარაღებულ ქვეყანასთან ერთად და ეწინააღმდეგება ისეთ ქვეყნებს როგორიცაა ირლანდია და ავსტრალია, ეს სახიფათო სიგნალს გზავნის. მსოფლიოს დიქტატორების გვერდით დგომა და მათი დემოკრატიების წინააღმდეგ ყოფნა აძლიერებს იმ დიქტატორებს, რომლებიც აგრძელებენ თავიანთი ხალხის დაჩაგვრას, ესხმიან თავს სხვებს და სამყაროს უფრო ღარიბ და ძალადობრივ ადგილად აქცევს.

დემოკრატიის წინააღმდეგ დგომა, მათ შორის, ჩვენი გრძელვადიან და უახლოესი მოკავშირეების, აქვეითებს ჩვენივე დემოკრატიულ სისტემას, რამაც ჩვენ გვაქცია უმდიდრეს და ყველაზე ძლევამოსილ ქვეყნად ისტორიაში. უკრაინაში ომის დასრულების საუკეთესო გზა შეიარაღებით უკრაინის მხარდაჭერაა და არა დახმარების გაწევა და კომფორტის შექმნა რუსეთისთვის, მისი მარიონეტებისა და კონტროლირებული სახელმწიფოებისთვის და დიქტატორებისთვის მსოფლიოს გარშემო.” – ნათქვამია წერილში, რომელსაც სოციალურ ქსელში ალექს რაუფოღლუ ავრცელებს.