სტიქიის ზონაში მოსახლეობას საკვები პროდუქტები უთავდებათ. ხალხი დახმარებას ითხოვს. ადგილობრივის თქმით, თოვლის სიფარი ისეთ სიმაღლეს აღწევს, რომ სოფელში გადაადგილება და მაღაზიამდე მისვლა შეუძლებელია. სოფელ ჩოჩხათის მცხოვრები ადგილობრივ მთავრობას გზების გაწმენდას სთხოვს.
რაიონის დეპუტატი გვყავს და ტრაქტორით ჩამოიარა და ორ-ორი პური, ვინც შეხვდა გზაზე, მისცა, მაგრამ არ იყო ქუჩაში ხალხი, ვერ გამოდიან. ხალხი მშიერია. არ გვინდა მათი საჭმელი, გზა გაგვიწმინდონ, რომ ჩვენით ვჭამოთ საჭმელი. არავინ მოდის, მეზობლებთან ვართ შესახლებული. ინვალიდი კაცი ვარ, სახლში საჭმელი კი მომენახება, მაგრამ რომ გამოვიტანო და მეზობელთან მივიტანო, ამის საშუალებაც არ მაქვს. პური გვინდა, არ გვინდა სხვა არაფერი. ეს სახლი, სადაც ვიმყოფები ახლა, დანგრეულია. 10 სახლია ამ სოფელში დანგრეული. სამი გამგებელი გვყავს ჩოჩხათში და არიან როგორც პუტინი, – ამბობს ადგილობრივი.