ივანიშვილის რეჟიმის მსახურებისთვის სანქციების დაწესებაზე EU-ში აქტიურად მუშაობენ – ევროდეპუტატი კშიშტოფ ბრეიზა აცხადებს, რომ საჭიროა შავ სიაში არა მხოლოდ ქართველი ოლიგარქი, არამედ მისი ოჯახის წევრები, ირაკლი კობახიძე და ყველა ის მოსამართლე შევიდეს, რომლებიც პოლიტიკურად მოტივირებულ გადაწყვეტილებებს იღებენ.
კშიშტოფ ბრეიზა ფიქრობს, რომ მოცემული პირების დასანქცირება საქართველოზე უარყოფითი ზეგავლენის შემცირებას განაპირობებს, ამიტომ მისივე განმარტებით, ახლა მნიშვნელოვანია, რომ EU-ს ქვეყნებმა “ქართული ოცნების” რეჟიმი სამიზნეში ერთიანად ამოიღონ.
აქტიურად ვმუშაობთ სანქციებზე, რომელთა სამიზნე ქართული რეჟიმია. მნიშვნელოვანია ერთიანი მიდგომა. სანქციები უნდა დაწესდეს ბიძინა ივანიშვილზე, მის მოკავშირეებზე, პრემიერ-მინისტრ ირაკლი კობახიძის ჩათვლით, ასევე პოლიტიკურად მოტივირებულ საქმეებში ჩართულ მოსამართლეებზე, ივანიშვილის ოჯახის წევრებზე.
ეს სანქციები საჭიროა, რათა მოხდეს ამ პირების უარყოფითი ზეგავლენის შემცირება ქვეყანაზე. ევროპა დგას საქართველოსთან, ჩვენ მხარს დავუჭერთ ხალხის სურვილს მშვიდობიან, სტაბილურ და დემოკრატიულ მომავალს რუსული ჩარევისგან” – განაცხადა კშიშტოფ ბრეიზამ.