საქართველოს მეხუთე პრეზიდენტი კრიტიკული მედიის წარმომადგენლებს ხვდება და მიუნხენში გამგზავრებამდე მედიამენეჯერებისგან ისმენს მედიაში არსებული მძიმე მდგომარეობის შესახებ დეტალურ ინფორმაციას. საუბარია როგორც ჟურნალისტებზე თავდასხმაზე, ისე ფინანსურ პრობლემებზე. შეხვედრაზე იმყოფებიან როგორც სატელევიზიო, ისე ონლაინ გამოცემების ხელმძღვანელები.
სალომე ზურაბიშვილი დღეს სამოქალაქო აქტივისტებსა და მესამე სექტორის წარმომადგენლებსაც შეხვდება.
მედიის წარმომადგენლებისგან მიღებულ ინფორმაციას, სალომე ზურაბიშვილი ევროპელ პარტნიორებს მიაწვდის. შეგახსენებთ, პრეზიდენტი მიუნხენის კონფერენციას დაესწრება, რომელიც 14-16 თებერვალს გაიმართება.