თბილისის სახელმწიფო უნივერსიტეტის პირველ კორპუსთან სოლიდარობის აქცია იმართება – ახალგაზრდები გამთენიისას დაკავებულ აჩი გოჩიტაშვილის, ლუკა ხიზაძეს და გიორგი ბარბაქაძეს მხარდაჭერას უცხადებენ და მათ გათავისუფლებას ითხოვენ.
“დაასრულე მილიცია, დაასრულე რეჟიმი, თავისუფლება აჩი გოჩიტაშვილის, ლუკა ხიზაძეს, გიორგი ბარბაქაძეს” – ამ შინაარსის ბანერი ჩამოკიდეს სტუდენტებმა თსუ-ს პირველი კორპუსის ეზოს ღობეზე.
გაფიცული სტუდენტები “პირველებთან” ამბობენ, რომ “ქართული ოცნება” ავტორიტარულ რეჟიმად გადაიქცა, რომელიც მოქალაქეებს თავისუფალი აზრის გამოხატვის უფლებას უზღუდავს.
ეს რეჟიმი, რის გამოც აკავებს ახალგაზრდებს, არის მიზეზი – ამ ქვეყნის სიყვარული და რეჟიმთან შეურიგებლობა. ამის გამო დაიჭირეს ჩვენი მეგობრებიც. ნორმალურ ქვეყანაში თავისუფალი აზრი ასე არ უნდა იზღუდებოდეს. საქართველოში რაც ხდება, არ არის ნორმალური სიტუაცია. ეს არის ავტორიტარიზმი, დიქტატურა. ახალგაზრდები არასდროს შევეგუებით ამ რეჟიმს. ჩვენ დავასრულებთ ამათ”, – ამბობს ერთ-ერთი სტუდენტი.
ცნობისთვის, გამთენიისას თბილისის სახელმწიფო უნივერსიტეტისა და საქართველოს ტექნიკური უნივერსიტეტის სამი სტუდენტი – აჩი გოჩიტაშვილი, ლუკა ხიზაძე და გიორგი ბარბაქაძე დააკავეს.
ახალგაზრდებს წვრილმან ხულიგნობასა და პოლიციისადმი დაუმორჩილებლობას ედავებიან.