უკანონოდ დაპატიმრებული ჟურნალისტი არ აპირებს ბოდიში მოუხადოს მას, ვინც სახეში შეაფურთხა! – ამის შესახებ მზია ამაღლობელის უფლებადამცველი, ნონა ქურდოვანიძე წერს:
“მზია ამაღლობელი არ მოუხდის ბოდიშს იმას, ვინც მას სახეში შეაფურთხა. ეს არის მზიას დანაბარები. მზია ასევე ამბობს, რომ ქართული ოცნების მხრიდან საზოგადოებაზე პასუხისმგებლობის გადატანა არის უტიფრობა. მას მისდის არაერთი წერილი, რომლითაც შიმშილობის შეწყვეტას სთხოვენ, მაგრამ არ შეუძლია ამ თხოვნების გაზიარება, რადგან უსამართლობასთან შეგუება ვერ წარმოუდგენია.
ის პასუხისმგებლობას აკისრებს ,,ქართულ ოცნებას”, სოზარ სუბარს, და ყველა იმ პირს, ვინც მის საქმეზე უტიფრულ განცხადებებს აკეთებს.” წერს “საიას” თავმჯდომარე.
ჟურნალისტი უკვე 24 – ე დღეა შიმშილობს. სახალხო დამცველი ირწმუნება, რომ “ნეტგაზეთისა” და “ბათუმელების” დამფუძნებლის ჯანმრთელობის მდგომარეობას გააკონტროლებენ. დღესვე, 11 საათზე ამაღლობელის მხარდასაჭერი აქცია დაგეგმილია პარლამენტთან.