ირაკლი დგებუაძე არის ღირსეული პოლიციელი. მე მინდა ვისარგებლო შემთხვევით და შსს-ს თითოეულ თანამშრომელს გადავუხადო მადლობა – ასე პასუხობს კახა კალაძე მოძალადე პოლიციელებთან დაკავშირებით დასმულ შეკითხვებს და ამტკიცებს, რომ ისინი “წესრიგს იცავენ”.
სამაგიეროდ, კალაძე არ პასუხობს კრიტიკული მედიის წარმომადგენლების კითხვებს, რატომ არ არის დასჯილი არც ერთ ის პოლიციელი, რომელიც მედიის წარმომადგენლებისა და აქციების მონაწილეების წინააღმდეგ, ძალადობაშია მხილებული.
ეს კომენტარი კალაძემ სპორტული სამყაროს წარმომადგენლებთან შეხვედრის დასრულების შემდეგ გააკეთა, სადაც კობახიძეც იმყოფებოდა. თუმცა, თვითგამოცხადებული პრემიერი იქიდან ჟურნალისტების პროტესტს გაექცა.