მთავარიUncategorizedCybernews- საქართველოს მილიონობით მოქალაქის პერსონალურმა მონაცემმა გაჟონა

Cybernews- საქართველოს მილიონობით მოქალაქის პერსონალურმა მონაცემმა გაჟონა

Published on

გერმანულმა ღრუბლოვანმა სერვისის პროვაიდერმა (Cloud Service Priveder) საქართველოს თითქმის მთლიანი მოსახლეობის პერსონალური მონაცემები შემთხვევით ხელმისაწვდომი გახადა. ამის შესახებ ინფორმაციას გამოცემა Cybernews-ი ავრცელებს.

ბაზა კიბერუსაფრთხოების კონსულტირების პლატფორმა SecurityDiscovery-მა აღმოაჩინა.კომპანიის კიბერუსაფრთხოების ექსპერტის, ბობ დიაჩენკოს განცხადებით, მათ ახლახან აღმოაჩინეს პაროლით დაუცველი მონაცემთა ბაზა, რომელიც საქართველოს მოქალაქეების დიდი რაოდენობით პერსონალურ დეტალებს შეიცავდა. ერთ-ერთი გაჟონილი ინდექსი მოიცავდა თითქმის 5 მილიონი პიროვნების პერსონალურ მონაცემებს, ხოლო მეორე 7 მილიონზე მეტ სატელეფონო ჩანაწერთან დაკავშირებულ პირად ინფორმაციას შეიცავს. გამოცემა წერს, რომ ვინაიდან საქართველოს მოსახლეობა თითქმის 4 მილიონია, მონაცემები შესაძლოა შეიცავდეს დუბლიკატებს და ჩანაწერებს გარდაცვლილ ადამიანებზე.

სენსიტიური პერსონალური მონაცემები მოიცავს:

პირადობის ნომერს;
სრულ სახელსა და გვარს;
დაბადების თარიღს;
გენდერს;
სერთიფიკატის მსგავს ნომრებს (პოტენციურად დაზღვევას);
ტელეფონის ნომრებს – მფლობელის შესახებ აღწერილობითი ინფორმაციით.
“როგორც ჩანს, მონაცემები შეგროვდა ან გაერთიანდა მრავალი წყაროდან, მათ შორის, პოტენციურად სამთავრობო ან კომერციული მონაცემთა ბაზებიდან და ნომრების იდენტიფიკაციის სერვისებიდან,” – განაცხადა დიაჩენკომ

გამოცემის ცნობით, აღმოჩენიდან მალევე სერვერი offline რეჟიმში გადაიყვანეს და გამოქვეყნებულ მონაცემებზე საჯარო წვდომა დაიხურა. უცნობია, შეატყობინეს თუ არა კომპანიას მონაცემთა გაჟონვის შესახებ.

“პერსონალური იდენტიფიკატორების, მისამართების და ტელეფონის ნომრების ნაზავი პოტენციურად არის მავნე მოქმედი პირების ხელში და შეიძლება გამოყენებულ იქნას თაღლითობის ან გავლენის კამპანიებისთვის. რეგიონში, სადაც გეოპოლიტიკური დაძაბულობა მაღალია, პერსონალური ინფორმაციის ბოროტად გამოყენებამ შეიძლება კიდევ უფრო გააუარესოს ნდობა საზოგადოებაში, შექმნას დეზინფორმაციის შესაძლებლობები და ზიანი მიაყენოს დაუცველ პირებს,” – თქვა დიაჩენკომ.

სიახლეები

ფედერალურმა მოსამართლე კარლ ნიკოლსმა USAID-ის თანამშრომლების გათავისუფლების გადაწყვეტილება და სააგენტოს დაშლის გეგმა დროებით დაბლოკა

ფედერალურმა მოსამართლე კარლ ნიკოლსმა USAID-ის თანამშრომლების გათავისუფლების გადაწყვეტილება და სააგენტოს დაშლის გეგმა დროებით დაბლოკა. მოსამართლემ,...

“ეს არის ხელისუფლების მიერ ყველა ზღვრის გადაკვეთის ერთ-ერთი აშკარა გამოვლინება” – დენბერი ამაღლობელის საქმეზე

"ვფიქრობ, ეს არის ხელისუფლების მიერ ყველა ზღვრის გადაკვეთის ერთ-ერთი აშკარა გამოვლინება. ძალიან ბევრს ამბობს...

“რუსეთმა, კურსკის რეგიონში, ჩრდილოეთ კორეელი ჯარისკაცები კვლავ შეიყვანა” – ზელენსკი

უკრაინის პრეზიდენტის, ვოლოდიმირ ზელენსკის განცხადებით, რუსეთმა კვლავ შეიყვანა ჩრდილოეთ კორეელი ჯარისკაცები კურსკის რეგიონში და...

თვითგამოცხადებულმა პრემიერმა ევროსაბჭოს გენერალურ მდივანს, ალან ბერსეს ერთობლივ სამუშაო ჯგუფში მუშაობაზე უარი უთხრა

ევროსაბჭოს გენერალური მდივნის, ალან ბერსეს განცხადებით, ოლიგარქის პრემიერმინისტრმა, ირაკლი კობახიძემ მას ერთობლივ სამუშაო ჯგუფში...