ვაშინგტონი არჩეული პრეზიდენტის, დონალდ ტრამპის ინაუგურაციისთვის ემზადება. ცერემონია 20 იანვარს ადგილობრივი დროით დღის 12 საათზე (თბილისის დროით 21:00 საათზე) გაიმართება. ტრამპი აშშ-ის პრეზიდენტი მეორე ვადით გახდება.
ინაუგურაციის ცერემონია და პრეზიდენტის საინაუგურაციო სიტყვა დახურულ შენობაში – კაპიტოლიუმის როტონდაში გაიმართება, მიზეზად უამინდობა სახელდება.
საქართველოდან “ქართული ოცნების“ მთავრობის წევრები ინაუგურაციაზე დასასწრებად არ მიუწვევიათ. ინაუგურაციას ესწრება მეხუთე პრეზიდენტი სალომე ზურაბიშვილი, ის ღონისძიებაზე რესპუბლიკელმა კონგრესმენმა ჯო უილსონმა მიიწვია.