ივანიშვილის რეჟიმის პატიმრის, ანდრო ჭიჭინაძის დედა ლიკა გუნცაძე დღეს პროევროპული აქციის დროს დაკავებულების სასამართლო პროცესს ესწრება. მისი შეფასებით, რეჟიმი ქვეყანას რუსული მეთოდებით მართავს.
“ეს არ არის სასამართლო, ეს არ არის სასამართლოს შენობა, ეს არის უბედურება. სრულიად უდანაშაულო ბიჭები… ესენი არ არიან დაპატიმრებულები, ესენი არიან ტყვეები. თავში რტყმა და თირკმელებში რტყმა, ესეც კი რუსული მეთოდია, თავის ტიტუშკებიანად და ყველაფრიანად. ჩვენ ფაქტობრივად რუსეთს ვეომებით. რუსი გვმართავს ამათი ხელით, ომის გარეშე დაუთმეს ქვეყანა, არ დავათმობინებთ, არ არსებობს.” – განაცხადა ლიკა გუნცაძემ.