აშშ უკრაინისთვის 500 მილიონი დოლარის სამხედრო დახმარების ახალ პაკეტს აცხადებს – ამის შესახებ აშშ-ის თავდაცვის მდივანმა ლოიდ ოსტინმა გერმანიაში, ამერიკულ სამხედრო ბაზა „რამშტაინში“ უკრაინის თავდაცვის საკონტაქტო ჯგუფის 25-ე შეხვედრაზე განაცხადა:
„აქ, რამშტაინში, გადაწყვეტილი მაქვს გავაკეთო ყველაფერი, რაც შემიძლია, რათა დავეხმარო უკრაინას იცხოვროს თავისუფლებასა და უსაფრთხოებაში – და შევქმნა უფრო სამართლიანი და ღირსეული სამყარო. ჩვენი ერთობლივი მუშაობა უნდა გაგრძელდეს“, – განაცხადა პენტაგონის ხელმძღვანელმა.
დახმარება მოიცავს დამატებით რაკეტებს უკრაინის საჰაერო თავდაცვისთვის, ჭურვებს და სხვა აღჭურვილობას F-16-ებისთვის.
ცნობისთვის, ეს არის “რამშტაინის” ბოლო შეხვედრა აშშ-ის მოქმედი პრეზიდენტის, ჯო ბაიდენის ადმინისტრაციისთვის.