საფრნაგეთის პრეზიდენტის განცხადებამ “ოცნება” წყობიდან გამოიყვანა. ივანიშვილის პრემიერი ემანუელ მაკრონს ტყუილში სდებს ბრალს და უთვლის, რომ საქართველოს ნაცვლად უკრაინას მიხედოს.
ირაკლი კობახიძის შეფასებით, რეალური პრობლემა, რომელიც დღეს ყველას წინაშე დგას, სწორედ განადგურებული უკრაინა.
„საფრანგეთის პრეზიდენტმა მიხედოს უკრაინას, რომელიც გაწირეს განადგურებისთვის. მე ვსაუბრობ იმაზე, რაც არის რეალური პრობლემა. ტყუილებზე ვერ გავაკეთებ კომენტარს. კომენტარს ვაკეთებ იმ პრობლემაზე, რომელიც დგას ყველას წინაშე – ეს არის განადგურებული უკრაინა“, – განაცხადა ირაკლი კობახიძემ.
ცნობისთვის, 6 იანვარს, საქართველოში საფრანგეთის ელჩმა, შერაზ გასრიმ პლატფორმა X-ზე განცხადება გაავრცელა და დაწერა, რომ საფრანგეთის პრეზიდენტი საქართველოში დემონსტრანტებისა და სალომე ზურაბიშვილის გამბედაობას აფასებს. ამასთან, მაკრონმა ხაზი გაუსვა, რომ საქართველოში ახალი არჩევნები შეიძლება პოლიტიკური კრიზისიდან გამოსავალი იყოს.