ბრაზილიის საჰაერო ძალების გამომძიებლებმა 25 დეკემბერს ყაზახეთში ჩამოვარდნილი “აზერბაიჯანის ავიახაზების” თვითმფრინავის ორი შავი ყუთის მონაცემების ამოღება დაასრულეს და ყაზახეთის ხელისუფლებას გადასცეს.

Deutsche Welles-ს ინფორმაციით, შავი ყუთების გაშიფვრაში მონაწილეობისთვის ბრაზილიაში სპეციალისტები რუსეთიდან, ყაზახეთიდან და აზერბაიჯანიდან ჩავიდნენ.

ყველა მონაცემი გადაეცა ყაზახეთის საგამოძიებო ორგანოს თვითმფრინავის ავარიების გამოძიების საერთაშორისო პროტოკოლების შესაბამისად”, – ნათქვამია ბრაზილიის საჰაერო ძალების განცხადებაში.

შეგახსენებთ, 25 დეკემბერს ყაზახეთის ქალაქ აქტაუში „აზერბაიჯანის ავიახაზების“ თვითმფრინავის ჩამოვარდნის შედეგად 38 ადამიანი დაიღუპა.

გამოძიება ამბობს, რომ „აზერბაიჯანის ავიახაზების“ თვითმფრინავის ავიაკატასტროფა რუსულმა მიწა-ჰაერის ტიპის რაკეტამ გამოიწვია.

2024 წლის 29 დეკემბერს აზერბაიჯანმა რუსეთის მოქალაქეებისთვის სავიზო რეჟიმი გაამკაცრა. კანონმდებლობაში შეტანილი ცვლილებების თანახმად, რუსეთის მოქალაქეები წლის განმავლობაში აზერბაიჯანში 90 დღეზე მეტ ხანს ვერ შეძლებენ ყოფნას.