ერთობის ჯაჭვი საქართველოსთვის! – დღეს, 15:00 საათზე, ცოცხალი ჯაჭვი თბილისში, რეგიონებსა და მსოფლიოს ორმოცამდე ქალაქში გაკეთდება.
ცოცხალ ჯაჭვში სხვადასხვა სფეროს წარმომადგენელი ჩაებმებიან და ადამიანები ერთი იდეის გარშემო იქნებიან გაერთიანებული. მშვიდობიანი, მტკიცე პროტესტის ჯაჭვი დედაქალაქში მეტეხის ხიდიდან ვახუშტის ხიდამდე გაკეთდება.
დემონსტრანტების მთავარი მოთხოვნა უცვლელია, ისინი ახალი არჩევნების დანიშვნას და აქციაზე უკანონოდ დაკავებული მოქალაქეების გათავისუფლებას მოითხოვენ.
დღეს ვიკრიბებით 20-ზე მეტ ქალაქში საქართველოს მასშტაბით. თბილისში ვართ განაწილებული სხვადასხვა ხიდებზე. მეტეხიდან დაწყებული ვახუშტის ხიდამდე ვკრავთ ჯაჭვს, რომელიც ასევე გრძელდება სანაპიროებზე და არის უწყვეტი. კიდევ ერთხელ ვაჟღერებთ ჩვენ ორ ფუნდამენტურ მოთხოვნას, ეს არის ახალი არჩევნები და მეორე, რაც ძალიან მნიშვნელოვანი არის ეს გათავისუფლდნენ პოლიტიკური პატიმრები, რომლებიც გვყავს ქვეყანაში ამ მოვლების შედეგად”, – ამბობს ილია ღლონტი.