თემირლან მაჩალიკაშვილის მკვლელობიდან 7 წელი გავიდა და საქმე ამ დრომდე გამოუძიებელია. 19 წლის ახალგაზრდის ოჯახი სახელმწიფო უსაფრთხოების სამსახურის მიერ ჩატარებული სპეცოპერაციის დროს მომხდარი მკვლელობის გამოძიებას და დამნაშავე პირების დასჯას ითხოვს.
უფლებადამცველიც და მოკლული ახალგაზრდის ოჯახიც სახელმწიფოს პასუხისმგებლობაზე მიუთითებს, რადგან არაერთი მოთხოვნისა და მათ შორის ადამიანის უფლებათა ევროპული სასამართლოს მიერ გამოტანილი გადაწყვეტილების მიუხედავად, საქმეზე რეალური გამოძიება არ ჩატარებულა.