570-ს გადასცდა თავისუფალი ბიზნესების განცხადების ხელმომწერთა რაოდენობა. უფრო კონკრეტულად, განცხადებას ამ დროისთვის ხელს 575 ბიზნესი აწერს.
განცხადებაში ბიზნესები ვითარების დეესკალაციისთვის ახალი არჩევნების ჩატარებასა და აქციებზე დაკავებულების გათავისუფლებას ითხოვენ.
“არსებული კრიზისი გასცდა პარტიული პოლიტიკის საზღვრებს, რაც გარდაუვალი სოციალური და ეკონომიკური საფრთხის წინაშე აყენებს ქვეყანას. აუცილებელია ვითარების რაც შეიძლება სასწრაფო დეესკალაცია. დეესკალაციის ყველაზე პრაგმატული გზა არის ახალი არჩევნების დანიშვნა და ბოლო პროცესების განმავლობაში დაპატიმრებული ადამიანების ახალ წლამდე განთავისუფლება. ჩვენ, ქართული ბიზნესის წარმომადგენლები, ვართ რა პასუხისგებელნი ქვეყნის ბედზე და მის შეუქცევად განვითარებაზე, განურჩევლად ჩვენი პოლიტიკური პრეფერენციებისა ხელს ვაწერთ ამ მოწოდებას და განცხადებას”, – წერია განცხადებაში.
ამასთან, პლატფორმის დამფუძნებლის, გიორგი ჩუგოშვილის ინფორმაციით, გუშინ, www.freebusiness.ge -ზე 862 ბიზნესის განცხადება იყო შესული.
ხემომწერი ბიზნესების ნახვა შეგიძლიათ ვებგვერდზე.