მთავარისიახლეებისაზოგადოება12 ქვეყანა რუსეთის „ჩრდილოვანი ფლოტის“ წინააღმდეგ ერთობლივ ბრძოლას გეგმავს

12 ქვეყანა რუსეთის „ჩრდილოვანი ფლოტის“ წინააღმდეგ ერთობლივ ბრძოლას გეგმავს

Published on

გაერთიანებულნი ვართ საერთო გადაწყვეტილებაში, გადავდგათ შემდგომი კოორდინირებული ნაბიჯები რუსეთის „ჩრდილოვანი ფლოტის“ მოშლისა და შეკავებისთვის, მის მიერ წარმოქმნილ რისკებთან დასაპირისპირებლად, ერთად ვიმუშაოთ უკანონო ოპერაციების თავიდან ასაცილებლად და რუსეთის ხარჯების გაზრდის მიზნით, – ამის შესახებ 12 ევროპული ქვეყნის ერთობლივ განცხადებაშია აღნიშნული.

განცხადების თანახმად, ჩრდილოვანი ფლოტი საფრთხეს უქმნის გარემოს, საზღვაო უსაფრთხოებას და საერთაშორისო საზღვაო ვაჭრობას, ასევე საერთაშორისო საზღვაო კანონსა და სტანდარტებს.

„ის ასევე მუშაობს ჩვენი სანქციების გვერდის ავლასა და მათი გავლენის შერბილებაზე. მონაწილე სახელმწიფოების მიერ შეგროვებული ინფორმაცია, მათ შორის იმ გემებთან დაკავშირებით, რომლებიც გადაწყვეტენ არ უპასუხონ მოთხოვნებს, შეფასდება და დამუშავდება ჩვენს საერთაშორისო პარტნიორებთან ერთად. „ჩრდილოვანი ფლოტის“ გემებს და მათ ხელის შემწყობებს ეჭვი არ უნდა ეპარებოდეს: მტკიცედ გვაქვს გადაწყვეტილი, ანგარიშვალდებული გავხადოთ ისინი, მათ შორის სანქციებთან დაკავშირებული ქმედებებით იმ რისკებისთვის, რასაც წარმოადგენენ და მხარდაჭერისთვის, რომელსაც ისინი უკრაინის წინააღმდეგ რუსეთის ომს უწევენ“, – აღნიშნულია განცხადებაში.

განცხადებას ხელს აწერენ: დანია, ესტონეთი, ფინეთი, გერმანია, ისლანდია, ლატვია, ლიეტუვა, ნიდერლანდები, ნორვეგია, პოლონეთი, შვედეთი და გაერთიანებული სამეფო.

სიახლეები

გუშინ მშვიდად გეძინათ საბა ჯიქიას მიმართ გამოტანილი უსამართლო განაჩენის შემდეგ? – ნიკა კაცია მოსამართლე მჭედლიშვილს

გუშინ მშვიდად გეძინათ გამოტანილი უსამართლო განაჩენის შემდეგ? - ამ სიტყვებით მიმართა სინდისის პატიმარმა, ნიკა...

“პრაღის სამოქალაქო საზოგადოების ცენტრი” მზია ამაღლობელის დაუყოვნებლივ გათავისუფლებას მოითხოვს

"პრაღის სამოქალაქო საზოგადოების ცენტრი" მზია ამაღლობელის დაუყოვნებლივ გათავისუფლებას მოითხოვს - ჟურნალისტის მხარდამჭერ განცხადებაში ნათქვამია,...

კურსკში მოკლულია რუსი ბრიგადის მეთაური, პოლკოვნიკი სერგეი ილინი

2 ივლისს კურსკში მიმდინარე საბრძოლო მოქმედებების მსვლელობისას დაიღუპა 155-ე საზღვაო ფეხოსანთა ბრიგადის მეთაური, რუსი...

გაყინული რუსული აქტივების გამოყენებით ევროკავშირმა უკრაინას $1.2 მილიარდი გადასცა

უკრაინის პრემიერმინისტრმა დენის შმიგალმა 10 ივლისს განაცხადა, რომ უკრაინამ ევროკავშირისგან დამატებით 1 მილიარდი ევრო...