2023-2024 სასწავლო წელში 8041 ბავშვს (3585 გოგო, 4456 ბიჭი) შეუჩერდა მოსწავლის სტატუსი 3223-მა (1 117 გოგო 2 106 ბიჭი) კი სწავლა შეწყვიტა. მთლიანობაში 11 264 მოსწავლე აღარაა ჩართული სკოლის სასწავლო პროცესში, მათგან 4 702 გოგო და 6 562 ბიჭი. მონაცემებს ამის შესახებ საქსტატი ავრცელებს.

ამ მხრივ რეკორდული მაჩვენებელი იყო 2022-2023 წელს, მაშინ სწავლა 14 911 მოსწავლემ შეწყვიტა.

წინა წლების მაჩვენებელი ასეთია

2013/2014 – 14 057 (გოგო – 5 886 ბიჭი – 8 171)
2014/2015 – 12 307 (გოგო – 5 348 ბიჭი – 6 959)
2015/2016 – 11 512 (გოგო – 4 835 ბიჭი – 6 677)
2016/2017 – 11 769 (გოგო – 4 740 ბიჭი – 7 056)
2017/2018 – 12 298 (გოგო – 4 769 ბიჭი – 7 529)
2018/2019 – 12 049 (გოგო – 4 908 ბიჭი – 7 141)
2019/2020 – 8 247 (გოგო – 3 382 ბიჭი – 4 865)
2020/2021 – 7 050 (გოგო – 3 017 ბიჭი – 4 033)
2021/2022 – 8 846 (გოგო – 3 770 ბიჭი – 5 076)
2022/2023 – 14 911 (გოგო – 6 409 ბიჭი – 8 502)

მოსწავლეთა მიერ სწავლის შეწყვეტა მჭიდროდ დაკავშირებული ქვეყანაში არსებულ ეკონომიკურ-სოციალურ გამოწვევებთან. სახალხო დამცველის გასული წლების ანგარიშების მიხედვით, იმ ბავშვების რაოდენობა, ვინც სკოლებში სწავლის შეწყვეტის მიზეზად ქვეყნიდან წასვლას ასახელებს, 2021 წლის შემდეგ გაორმაგებულია. მოსწავლის სტატუსის შეჩერების/შეწყვეტის საფუძველთა შორის ნახევარზე მეტი საზღვარგარეთ ოჯახთან ერთად გამგზავრებაა, დააზლოებით 10%-მდეა პროფესიულ კოლეჯში სწავლის გაგრძელება. მიმდინარე წლის შესახებ ანგარიში ჯერჯერობით არ გამოქვეყნებულა.