პარტია “საქართელოსთვის” ლიდერი საჯარო მოხელეებს მოუწოდებს, ნუ შეეშინდებათ საკუთარი განსხვავებული აზრის გამოთქმა. პოლიტიკოსის თქმით, საჯარო მოხელეები ხელფასებს ხალხის მიერ გადახდილი გადასახადებიდან იღებენ, ამიტომ საკუტარი აზრის გამოთქმის ვალდებულება აქვთ.
გახარიას თქმით, რაც მეტი ადამიანი დააფიქსირებს განსხვავებულ აზრს, მით მეტად იქნებიან ისინი დაცულები.
ჩვენ გვაქვს დღეს აბსოლუტურად მოძალადე სისტემა, რომელიც ძალადობს ქუჩაშიც და ძალადობს საჯარო მოხელეებზეც. მე მინდა მივმართო ყველა მათგანს, რომელმაც გაბედა და გამოთქვა თავისი განსხვავებული აზრი. ეს ჩვენი გადახდილი გადასახადებიდან იღებენ ეს ადამიანები ხელფასს და თქვენ ვალდებულები ხართ, ყოველთვის გამოთქვათ თქვენი აზრი, განსაკუთრებით მაშინ, როდესაც ეს აზრი ემთხვევა საქართველოს უმრავლეს მოქალაქეების აზრს.
ნუ შეგეშინდებათ იმ ვაი პოლიტიკოსების, რომლებიც ამბობენ, რომ ეს კარგია და სისტემა გაიწმინდებაო. თორმეტი წელი ვერაფერი გააკეთეს, თუ რაიმე გასაწმენდი იყო. ამიტომ რაც უფრო მეტი საჯარო მოხელე იქნება, რომელიც გამოთქვამს თავის განსხვავებულ აზრს, მით უფრო დაცულები იქნებით თქვენ, – ამბობს გახარია.