დაახლოებით დილის 6 საათზე დაწყებული, ღამიდან დილამდე უკვე მესამე და დასკვნითი დარბევის სემდეგ საპოლიციო ძალებმა რუსტაველის გამზირი დაიკავეს და გადაკეტეს. სტატიის გამოქვეყნების დროისთვის დედაქალაქის მტავარ გამზირზე დასუფთავების სამსახური მუშაობს. 

ღამის განმავლობაში, დაახლოებით 4-დან დილის 6 საათამდე რუსთაველზე მშვიდი ვიტარება ნარჩუნდებოდა, პოლიციელებისა და დემონსტრანტთა დაპირისპირების პირობითი ხაზი დაახლოებით პირველი კლასიკური გიმნაზის მარცხენა ფლიგელის მოპირდაპირედ გადიოდა: რუსთაველის მეტროს მიმართულებით, გამზირზე და მიმდებარე ქუჩებზე, დემონსტრანტებმა კოცონები დაანთეს და ბარიკადები ააგეს, ბარიკადები იყო ბესიკის ქუჩაზეც. 

მათ მოპირდაპირედ სპეცრაზმი და სპეცტექნიკა იყო განლაგებული. დროდადრო დემონსტრანტები სპეცრაზმელებს პიროტექნიკას ესროდნენ, თუმცა, გართულებები ამას არ მოჰყოლია. შეტევა გაფრთხილების გარეშე, დაახლოებით 6 საათისთვის დაიწყო. სპეცრაზმელებმა აქციის მონაწილეები ალყაში მოაქციეს და ფიზიკურად გაუსწორდნენ, მაქსიმალური სიმჭიდროვის მიღწევის შემდეგ მათი მისამართით გამოიყენეს ცრემლსადენი გაზი, რამდენიმე დემონსტრანტმა გონება დაკარგა, თუმცა პოლიციელები სხვა დემონსტრანტებს არ აძლევდნენ მიშველების უფლებას. სრულიად მშვიდობიან, უვნებელ დემნსტრანტებს, მათ შორის, გოგონებსა და არასრყულწლოვანებს, ნიღბიანი სპეცრაზმელები ურტყამდნენ მუცელში, თავსა და მკერდში. 

პოლიციელები შეიჭრნენ ასევე რუსთაველის თეატრში, რომელმაც აქციის მონაწილეებს სივრცე დაუთმო, სასტიკად დაარბიეს იქ მყოფები, ათეულობით ადამიანი დააკავეს. მანამდე ასევე მოიქცნენ ქაშუეთის ეკლესიაში, საიდანაც დაკავებულები გამოიყვანეს. სპეცრაზმელებმა დემონსტრანტებს შესდიეს მარკეტებში, ასევე რუსთაველის მეტროში.

ამ დროისთვის უცნობია დაკავებულთა ზუსტი რაოდენობა. ნაცემი არიან ჟურნალისტებიც, დაკავებულთა შორისაა მსახიობი გიორგი ბახუტაშვილი და “ტაბულას” ყოფილი ჟურნალისტი ლექსო მაჭავარიანი.  

–

მოკლე და ვრცელი ვიდეოები წუხანდელი მოვლენევბის შესახებ შეგიძლიათ ნახოთ ჩვენს ტელეგრა-არხზე, რომელიც პერიოდულად და ოპერატიულად ახლდება, ამ ბმულზე (დააკლიკეთ)