საქართველოს პრეზიდენტი, სალომე ზურაბიშვილი ათონელის რეზიდენციაში ოპოზიციის წარმომადგენლებთან შეხვედრებს მართავს.
ამ დროისთვის, პრეზიდენტთან აუდიენციაზე “კოალიცია ცვლილებისთვის” ერთ-ერთი ლიდერი ელენე ხოშტარია იმყოფება. მანამდე სალომე ზურაბიშვილს “ძლიერი საქართველოს” ოთხივე ლიდერი შეხვდა. მათი განცხადებით, შეხვედრაზე პრეზიდენტთან შემდგომი ნაბიჯები განიხილეს.
“ჩვენ გვჭირდება ერთობა, ეს არის ძალიან მნიშვნელოვანი, ჩვენ გვჭირდება ერთობა ოპოზიციურ მხარეს და ასევე ჩვენ გვჭირდება იმ მანდატების დაცვა, რომლებიც ოპოზიციურ პარტიებს მისცეს ჩვენმა მოქალაქეებმა. მაგრამ როგორც ხედავთ, ქართული ოცნება აგრძელებს თავის სპეცოპერაციას, ამას ჩვენ შევეწინააღმდეგებით, უამრავი გეგმა გვაქვს, როგორ გავაკეთოთ ეს,” – განაცხადა “ძლიერი საქართველოს” ერთ-ერთმა ლიდერმა მამუკა ხაზარაძემ.
შესაძლოა პრეზიდენტმა ათონელის რეზიდენციაში დღეს, “ერთიანობა – ნაციონალური მოძრაობის” წარმომადგენლებიც მიიღოს.