25 ნოემბერი, დილის ცხრა საათი – ახალი საპროტესტო შეკრების დრო და თარიღი ცნობილია.
მოქალაქეებს ორშაბათს დილით პარლამენტის უკან ელოდებიან. ეს ის დღეა, როცა “ოცნება” პარლამენტის პირველი სხდომის გამართვას აპირებს.
შეკრების ორგანიზატორი “ჩემი ხმაა”.
საქართველოს მოქალაქეებს ჩვენი საერთო წარსული გვაერთიანებს და დღევანდელობას ერთნაირად ვგრძნობთ. როგორი იქნება საქართველოს მომავალი, ჩვენ, მოქალაქეებმა უნდა გადავწყვიტოთ.
თუმცა გვეუბნებიან, რუსეთში გამდიდრებულმა ერთმა კაცმა ჩვენ ნაცვლად უნდა გადაწყვიტოს საქართველოს ბედი, მისმა ხმამ გადაწონოს საქართველოს ხმა.
25 ნოემბერს, სწორედ მისი ხმით დანიშნული პარლამენტი იკრიბება. ეს კრიმინალური აქტია, დანაშაულით ძალაუფლების დაუფლების მცდელობა.
და რას ვაკეთებთ ჩვენ?
უხმაუროდ ვეგუებით, თუ ხმას ამოვიღებთ?!
ჩვენ, საქართველოს მოქალაქეებმა უნდა ამოვიღოთ ხმა!
ჩვენ უნდა დავიბრუნოთ ხმა!
25 ნოემბერს, დილის 9 საათზე, საქართველოს პარლამენტის უკან, მოდი”, – წერია გავრცელებულ ინფორმაციაში.