განაჩენი გამოტანილია, ეს არჩევნები არ შედგა – ამის შესახებ განცხადება საქართველოს პრეზიდენტმა სალომე ზურაბიშვილმა საგანგებო ბრიფინგზე გააკეთა.
პრეზიდენტის თქმით, 26 ოქტომბერს საქართველოს კონსტიტუცია და საერთაშორისო სამართლის პრინციპები დაირღვა, რის გამოც, ამ არჩევნებს არც ცივილიზებული სამყარო, არც ოპოზიცია არ აღიარებს.
სალომე ზურაბიშვილმა თქვა, რომ საჭიროა ხელახალი არჩევნები, მანამდე კი საარჩევნო კოდექსის ცვლილება და ახალი საარჩევნო ადმინისტრაცია. მისი თქმით, ახალი მთავარობა და ახალი პარლამენტი არ შედგება და ძველი პარლამენტითა და მთავრობით უნდა მივიდეთ ხელახალ არჩევნებამდე.
სალომე ზურაბიშვილის განცხადებით, ხვალ, 19 ნოემბერს ის შეიტანს სარჩელს საკონსტიტუციო სასამართლოში 26 ოქტომბრის არჩევნების დროს ხმების ფარულობის დარღვევას.
სალომე ზურაბიშვილი მიესალმა სამოქალაქო პროტესტის მონაწილეებს, რომლებიც “ქუჩაში დგანან და ალბათ, ღამითაც დარჩებიან”. პრეზიდენტმა “ქართულ ოცნებას” დაფიქრებისკენ მოუწოდა.