ევროპული საბჭო საქართველოს საკითხზე 18 ნოემბერს იმსჯელებს. ევროკავშირის წევრი ქვეყნების საგარეო საქმეთა მინისტრები ბრიუსელში შეიკრიბებიან და არჩევნების შემდეგ საქართველოში შექმნილ ვითარებაზე იმსჯელებენ. როგორც ცნობილია საქართველო დღის წესრიგში მეორე საკითხი იქნება უკრაინის შემდეგ.
ევროპელი ლიდერების მხრიდან საქართველოში ჩატარებული არჩევნების ნეგატიურად შეფასების და ევროკავშირში გაწევრიანების პროცესის შეჩერების შემდეგ არსებობს მოლოდინი, რომ შეხვედრაზე მწვავე განცხადებები გაკეთდება და არ არის გამორიცხული მწვავე გადაწყვეტილებებიც, მათ შორის დროებით მექანიზმად ვიზალიბერალიზაციის შეჩერების გამოყენებაც. გადაწყვეტილების მიღებას ევროკავშირის ქვეყნების უბრალო უმრავლესობა სჭირდება.