არჩევნების გაყალბების საქმეზე თბილისის სააპელაციო სასამართლოში მიმდინარე სხდომა, რომელიც 6 ნოემბერს 16:00 საათზე დაიწყო 7 ნოემბრის 13:00 საათზე დასრულდა. მოსამართლეთა კოლეგია გადაწყვეტილების გამოსატანად გავიდა. ამის შესახებ ინფორმაცია საიას თავმჯდომარემ ნონა ქურდოვანიძემ სოციალურ ქსელში გაავრცელა.
“სხდომა დასრულდა, გავიდნენ გადაწყვეტილების გამოსატანად” – წერს ნონა ქურდოვანიძე.
სააპელაციო ინსტანცია ერთიანად განიხილავდა საიასა და ჩემი ხმა ევროკავშირის მიერ წარდგენილ 26 სარჩელს, რომელიც აღმოსავლეთ საქართველოს ტერიტორიაზე გამოვლენილ საარჩევნო დარღვევებს შეეხებოდა. სასამართლო სხდომაზე თითქმის 20 საათი ახსნა-განმარტებებს დაეთმო. მტკიცებულებების გამოკვლევაზე კი ბოლო ერთი საათის განმავლობაში გადავიდნენ.