ამერიკა 47-ე პრეზიდენტს ირჩევს. აშშ-ში საარჩევნო უბნების დიდი ნაწილი უკვე დაიხურა. წინასწარი მონაცემებით, საპრეზიდენტო არჩევნებში რესპუბლიკელი კანდიდატი დონალდ ტრამპი ლიდერობს. კერძოდ, 20-ზე მეტი შტატის წინასწარი მონაცემი, ასე ნაწილდება – დემოკრატიული პარტიის საპრეზიდენტო კანდიდატს, კამალა ჰარისს საარჩევნო კოლეგიის 209 ხმა აქვს, რესპუბლიკური პარტიის საპრეზიდენტო კანდიდატს დონალდ ტრამპს კი – 230 ხმა.
არჩევნებში გამარჯვებისთვის კოლეგიის წევრთა 538 ხმიდან სულ მცირე 270 ხმაა საჭირო.
საბოლოო გამარჯვებულის გამოვლენაში კი მნიშვნელოვან როლს ითამაშებს ე.წ. მერყევი შტატები, სადაც ამ ეტაპზე რთულია განსაზღვრა რომელი კანდიდატი მოიპოვებს გამარჯვებას.