საქართველოს პრეზიდენტმა, სალომე ზურაბიშვილმა ამერიკულ გამომცემლობა The Associated Press-თან ინტერვიუში ისაუბრა საქართველოს 2024 წლის საპარლამენტო არჩევნებზე და მოუწოდა დასავლელ პარტნიორებს მხარი დაუჭირონ დაგეგმილ დემონსტრაციებს.

ზურაბიშვილის თქმით, საქართველო რუსეთის ზეწოლის მსხვერპლია, რუსეთი კი მიზნად საქართველოს ევროკავშირში გაწევრიანების გეგმების ჩაშლას ისახავს.”ჩვენ ვნახეთ პირდაპირ გამოყენებული რუსული პროპაგანდა” – ამბობს ზურაბიშვილი.

მისი თქმით, მთავრობა “რუსეთთან ხელჩაკიდებული მუშაობდა” და არსებობს იმის ალბათობაც, რომ მმართველმა პარტიამ დახმარება მოსკოვის უსაფრთხოების სამსახურებისგან მიიღო.

“პროტესტი არის ერთადერთი გზა, რომლითაც ქართველებს შეუძლიათ იმის ჩვენება, რომ მათი ხმები და მომავალი მოიპარეს”. – თქვა სალომე ზურაბიშვილმა AP-ს ინტერვიუში. როგორც წერს AP, სალომე ზურაბიშვილმა გამოთქვა იმედი, რომ აშშ და ევროკავშირი დემონსტრაციებს მხარს დაუჭერენ.