საქართველოს პრეზიდენტმა სალომე ზურაბიშვილმა საგანგებო განცხადება იმ პოლიტიკურ გაერთიანებებთან ერთად გააკეთა, რომლებმაც საარჩევნო ბარიერი გადალახეს, მაგრამ მანდატებზე და პარლამენტში შესვლაზე უარს ამბობენ და აცხადებენ, რომ არჩევნები მოპარულია.
სალომე ზურაბიშვილმა განაცხადა, რომ ხვალ მათთან და იმ მოქალაქეებთან ერთად, რომლებიც არჩევნების გაყალბებას აღიარებენ, რუსთაველის გამზირზე შეიკრიბებიან, საიდანაც პრეზიდენტი ევროპისა და დასავლეთის ქვეყნების ლიდერებს მიმართავს, რომ საქართველოს, ქართველი ხალხის არჩევანს დაცვა სჭირდება.