17-18 ოქტომბერს საქართველოში მოსალოდნელია ამინდის მკვეთრი გაუარესება. ძლიერი წვიმა, მაღალმთაში ზოგან თოვლი. დასავლეთის მიმართულების ძლიერი ქარი 17-22მ/წმ სიჩქარით, შესაძლებელია ელჭექი, სეტყვა, ზღვაზე 3-4 ბალიანი შტორმული ღელვა.

დასავლეთ საქართველოში 17 ოქტომბერს ჰაერის ტემპერატურა: დაბლობში +14, +19° იქნება, მთაში +10, +15°, მაღალმთაში +3, +8°. 18 ოქტომბერს კი დაბლობში ღამით +7, +12°, დღისით +10, +15°; მთაში ღამით +4, +9°, დღისით +5, +10°; მაღალმთაში ღამით -2, +3°, დღისით 0, +5°.

17 ოქტომბერს აღმოსავლეთ საქართველოში დღის ბოლოს მაღალმთაში ზოგან თოვლჭყაპია მოსალოდნელი. ჰაერის ტემპერატურა: ბარში +14, +19°; მთაში +10, +15°; მაღალმთაში ღამით +5, +10°. 18 ოქტომბერს ღამისა და დილის საათებში უმეტეს რაიონში წვიმა, მაღალმთაში ზოგან თოვლი, ცალკეულ რაიონებში ძლიერი. ჰაერის ტემპერატურა: ბარში ღამით +7, +12°, დღისით +9, +14°; ზოგან+17°-მდე; მთაში ღამით +2, +7°, დღისით +7, +12°; მაღალმთაში ღამით -3, +2°, დღისით +2, +7°.

გარემოს ეროვნული სააგენტოს გაფრთხილების თანახმად, მოსალოდნელმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.