ზუგდიდის მე-6 საჯარო სკოლის ყოფილი დირექტორის, აწ გარდაცვლილი ია კერზაიას შვილი, ბაჩანა შენგელია კოალიცია ცვლილებებისთვის წევრს მაია კალანდიასგან ბოდიშის მოხდას ითხოვს. საუბარია კალანდიას სტატუსზე, რომელიც მან ფეისბუკზე და დაწერა. სტატუსში წერია:

ბაჩანა შენგელია მაია კალანდიას პასუხობს და ტყუილის გავრცელებაში ადანაშაულებს.შენგელიას სტატუსს “ოდიშინიუსი” უცვლელად გთავაზობთ:
“ძალიან არ მინდოდა წინასაარჩევნოდ, თუმცა ამას როგორც ჩანს თქვენ Maia Kalandia ვერ აცნობიერებთ, როდესაც ასეთ უტიფარ ტყუილს აბრალებთ ადამიანს და მე-6 საჯარო სკოლას უწევთ დისკრედიტაციას. ეს ალბათ ჯანსაღი წინასაარჩევნო კამპანია გგონიათ.
გაითვალისწინეთ, რომ ია კერზაიას სახელს სანამ ახსენებთ (კომენტარებში გიხსენებიათ) , პირი კარგად გამოირეცხეთ, მაგრამ ჯობს საერთოდ არასდროს აღარ ახსენოთ. თქვენ ამ ადამიანის ხსენების მორალური უფლება დაკარგეთ 2022 წლის 14 თებერვალს, როდესაც გახარიას პარტიას კოალიცია შეუკარით. საკრებულოს სხდომამდე, თქვენს კოლეგებთან ერთად ძალიან გთხოვეთ არ ჩაგედინათ ეს ამორალური საქციელი და ზუგდიდში არ დაგესვათ საკრებულოს თავმჯდომარედ იას წინააღმდეგ სპეცოპერაციის მთავარი შემოქმედის თანაპარტიელი. ამაზე 20 ადამიანის თანდასწრებით მიპასუხეთ, ,,ახლა ეს ისეთი მნიშვნელოვანია, გახარიას დედაჩემიც რომ მოეკლა, მაინც მივცემდი ხმასო”. ზუსტად ასე მიპასუხეთ, პავლიკ მოროზოვივით.
სინამდვილეში ,,მნიშვნელოვანი” აღმოჩნდა ხმის მიმცემი პირების თანამდებობები და ხელფასები, აბა რიგითი ზუგდიდელისთვის ამ კოლაბორაციით რომ არაფერი შეცვლილა, ამას ალბათ ყველა ვხედავთ.
ახლა ან გამოაჩინეთ ის მითიური ინფორმატორი, ან ამ ამაზრზენი ტყუილის გავრცელებისთვის ბოდიში მოიხადეთ.”- წერს ბაჩანა შენგელია.