2024 წლის 31 აგვისტოს მდგომარეობით მთავრობის საგარეო ვალი 23.1 მილიარდი ლარია, მათგან 17.5 მილიარდი ლარი საერთაშორისო საფინანსო ინსტიტუტებისგან აღებული ვალია, 4.3 მილიარდი კი ქვეყნების (ორმხრივი კრედიტორები). 1.3 მილიარდი კი ფასიანი ქაღალდები (ევრობონდი)

საფინანსო ინსტიტუტებს შორის ყველაზე მეტი ვალი მთავრობას 6.3 მილიარდი ლარი აზიის განვითარების ბანკის (ADB) აქვს. მეორე ადგილზეა რეკონსტრუქციის და განვითარების საერთაშორისო ბანკი (WB – IBRD) 4.4 მილიარდით, მესამეზე კი 3 მილიარდით ევროპის საინვესტიციო ბანკი(EIB).

ქვეყნებს შორის საქართველოს მთავრობას ყველაზე მეტი ვალი საფრანგეთის აქვს 2.2 მილიარდი ლარი, გერმანიის 1.6 მილიარდი ლარი და იაპონია 0.3 მილიარდი ლარი.

რუსეთის ვალი 7.9 მლნ დოლარს შეადგენს.

წინა წლის ანალოგიურ პერიოდთან შედარებით 2024 წლის აგვისტოში მთავრობის საგარეო ვალი 1.7 მილიარდი ლარითაა გაზრდილი. 2023 წლის 31აგვისტოს მთავრობის საგარეო ვალი იყო 21.4 მილიარდი ლარი იყო.

მთავრობის ვალი არის მთავრობის მიერ საკუთარი ფუნქციების განსახორციელებლად აღებული სესხების დაუფარავი ნაწილი. მთავრობის ვალის, ცენტრალური ბანკისა და მთავრობის გარანტიებით კერძო სექტორის მიერ აღებული ვალების ჯამი წარმოადგენს სახელმწიფო ვალს (Public debt) .