საპარლამენტო არჩევნებამდე ორი კვირით ადრე ხელისუფლების, კონკრეტულად კი თბილისის მერიის უსაფრთხოების სამსახურის მხრიდან წინასაარჩევნო შეხვედრის ორგანიზებაში ხელის შეშლაზე საუბრობს “ერთიანობა ნაციონალური მოძრაობის” ლიდერი, თბილისის საკრებულოში ენმ-ს ფრაქციის თავმჯდომარე ირაკლი ნადირაძე:
“დღეს, 9 საათზე, “ერთიანობა ნაციონალურ მოძრაობას” აქვს შეხვედრა, ძალიან დიდი ღონისძიება “ორი კვირა გამარჯვებამდე” და მერიის უსაფრთხოების სამსახური დილიდან გვიშლის ხელს, რომ ჩვენი კუთვნილი აპარატურა, ტექნიკა არ იყოს განთავსებული, რათა ხელი შეეშალოს ამ დიდ ღონისძიებას.
ეს კიდევ ერთხელ, ნათლად მიუთითებს იმაზე, როგორ ეშინია ბიძინა ივანიშვილს, როგორ ეშინია “ქართულ ოცნებას”. მათ იციან, რომ აგებენ არჩევნებს და, შესაბამისად, ასეთი იაფფასიანი მეთოდებით ცდილობენ ოპოზიციას ხელი შეუშალონ ამომრჩევლებთან შეხვედრაში”, – განაცხადა ირაკლი ნადირაძემ.