ცხინვალის საოკუპაციო, მარიონეტული რეჟიმის ორი წარმომადგენელი, ე.წ. შსს და თავდაცვის სამინისტროს თანამშრომლები დაიჭრნენ ერთ-ერთ კაფეში მომხდარი სროლის შედეგად, ერთ მათგანი მძიმე მდგომარეობაშია და კლინიკაში რჩება. ასევე კლინიკაშია მეორე დაჭრილი. ორივეს ოპერაცია ჩაუტარდა. ერთი დაჭრილი 29, მეორე კი 31 წლისაა.
დეტალები:
ინციდენტი კაფე “მინასში” მოხდა, სადაც ე.წ. პოლიციელები სისხლის სამართლის სამძებროს თანამშრომელთა დღეს აღნიშნავდნენ. იქვე იყვნენ ე.წ. თავდაცვის სამინისტროს თანამშრომლები. ორ კამპანიას შორის სიტყვიერი დაპირისპირება დაიწყო, რაც მალევე გადაიზარდა ჩხუბში და მხარეები სროლაზე გადავიდნენ.
ამ ინციდენტის შემდეგ ე.წ.-მა პრეზიდენტმა მარიონეტული რეჟიმის შს მინისტრს დაავალა, კონტროლზე აიყვანოს და უსწრაფესად გამოიძიოს მომხდარი ინციდენტი.