ოკუპირებულ ბერდიანსკში ლიკვიდირებულია სამშობლოს მოღალატე მოსამართლე, წარმოშობით უკრაინელი ვიტალი ლომეიკო. სწორედ ის იჯდა ავტომანქანაში, რომელიც პარტიზანებმა ააფეთქეს. ინფორმაცია უკრაინის სადაზვერვო სამმართველომ დაადასტურა.
ვიტალი ლომეიკო ოკუპირებული ბერდიანსკიდან არ გამოვიდა, როცა იქ რუსი ოკუპანტები შევიდნენ და მეტიც, მან მზადყოფნა გამოთქვა, ოკუპანტებთან ეთანამშრომლა, რაც იმას ნიშნავს, რომ ოკუპანტთა სადამსჯელო გადაწყვეტილებებისა და რეპრესიების იუიდიულად გამფორმებელი მოსამართლე გახდა. სწორედ ამით აიხსნება ის, რომ კოლაბორანტს პარტიზანებმა სასიკვდილო განაჩენი გამოუტანეს, ოპერაცია დაამუშავეს და განაჩენი სისრულეში მოიყვანეს.
“მან გადადგა კოლაბორანტული ნაბიჯი და დაიწყო თანამშრომლობა რუსეთის საოკუპაციო რეჟიმთან, რითაც დაარღვია ფიცი საომარ პირობებში. ლომეიკოს სახელი და მის მიერ მიღებული გადაწყვეტილებები უკავშირდება უკრაინელთა დევნასა და წამებას, რასაც ის რუს ოკუპანტებს, ფაქტობრივად, მწვანე შუქს უნთებდა”, – ნათქვამია უკრაინის სახელმწიფო დაზვერვის სამმართველოს განცხადებაში.