აშშ-ის საელჩოს კიდევ ერთი პასუხი “ქართულ ოცნებას” – საელჩო ამჯერად სიცრუეს მმართველი პარტიის იმ განცხადებას უწოდებს, რომელიც ივანიშვილის გუნდის მტკიცებით, ” 2020 წელს არასამთავრობო ორგანიზაცია ISFED-ი სახელმწიფო გადატრიალებას შეეცადა”.
საელჩო აღნიშნავს, რომ “ISFED-ის მონაცემებით 2020 წლის არჩევნებში ქართული ოცნების გამარჯვება თავიდანვე დადასტურდა”:
“ქართული ოცნების მხრიდან ხშირი ცრუ განცხადებების საპასუხოდ, რომ 2020 წელს არასამთავრობო ორგანიზაცია ISFED-ი სახელმწიფო გადატრიალებას შეეცადა, აღვნიშნავთ, რომ ISFED-ის მონაცემებით 2020 წლის არჩევნებში ქართული ოცნების გამარჯვება თავიდანვე დადასტურდა” – ნათქვამია საელჩოს პასუხში.
ხელისუფლება ბოლო რამდენიმე წელია, ISFED-ს 2020 წლის არჩევნების პარალელური ხმის დათვლის [PVT] შედეგების გაყალბებაში ადანაშაულებს.
ივანიშვილის პარტიის ლიდერები ამტკიცებენ, რომ მიზანი არეულობის გამოწვევა იყო.