საქართველოს ხელისუფლების პროპაგანდას “მეორე ფრონტთან” დაკავშირებით, აშშ-ის საელჩო პასუხობს და აღნიშნავს, რომ ბოლო რამდენიმე დღის განმავლობაში ხელმძღვანელი პოლიტიკური პირების გამოსვლებში კვლავ იჩინა თავი დეზინფორმაციამ:
„მეორე ფრონტთან” დაკავშირებული ცრუ ბრალდებების გამო ამ ზაფხულს შეერთებულმა შტატებმა „ღირსეული პარტნიორის” წვრთნები განუსაზღვრელი ვადით გადადო.
სამწუხაროდ, დეზინფორმაციამ კვლავ იჩინა თავი, მათ შორის ბოლო რამდენიმე დღის განმავლობაში ხელმძღვანელი პოლიტიკური პირების გამოსვლებში.
სიმართლე კი მარტივია: ძლიერ ქვეყნებს ძლიერი მოკავშირეები სჭირდებათ; რატომ გავანადგურებთ იმას, რასაც 32 წელია სათუთად ვაშენებთ” წერს დიპლომატიური უწყება.
შეგახსენებთ, მიმდინარე წლის 5 ივლისს ცნობილი გახდა, რომ აშშ-მა საქართველოში სწავლება “ღირსეული პარტნიორი” განუსაზღვრელი ვადით გადადო .
მიზეზად დასახელდა საქართველოს მთავრობის ცრუ ბრალდებები შეერთებული შტატებისა და სხვა დასავლური სუბიექტების მიმართ, თითქოს ისინი საქართველოსგან “მეორე ფრონტის” გახსნას ითხოვდნენ რუსეთის წინააღმდეგ.