აფხაზეთიდან დევნილი ბი ემ ჯი-ს ჟურნალისტი გიგა ბენია “ფეისბუქზე” წერს:
“გთხოვთ, გააზიარეთ და ყველა გალელს გააგებინეთ.
ვინაიდან და რადგანაც, გალში ქართული ენა არ ისწავლება, მზად ვარ, იქ მცხოვრებ მოსწავლეებს ჩემი დრო ისევ დავუთმო.
ოკუპირებულ ტერიტორიაზე მცხოვრებ ახალგაზრდებს ქართულსა და ისტორიას მეორე წელია ვასწავლი. ამ ხნის მანძილზე ბევრმა ელემენტარული ქართული ისწავლა და ნამდვილი ისტორია გაიგო.
მშობლებო, ნუ მისცემთ რუსეთს საშუალებას, თქვენს შვილებს მშობლიური ენა დაავიწყოს და თავში დამახინჯებული ისტორია ჩაუდოს.
ვისაც სურვილი გაქვთ, ჩემი ცოდნა გაგიზიაროთ, მომწერეთ. სახელმძღვანელოს, ყველა საჭირო მასალას უსასყიდლოდ გადმოგცემთ. რა თქმა უნდა, სწავლაც უფასოა”.
“ფეისბუქზე” გიგა ბენიას პროფილი, სადაც შეგიძლიათ მისწეროთ