მთავარისიახლეებიაშშ-ის საელჩო კობახიძის მიწვევის გაუქმების მიზეზებს ასახელებს - "მთავარის" წყაროს ცნობით, ზალკალიანი...

აშშ-ის საელჩო კობახიძის მიწვევის გაუქმების მიზეზებს ასახელებს – “მთავარის” წყაროს ცნობით, ზალკალიანი საქმის კურსში იყო, თუმცა პრემიერს არ შეატყობინა

Published on

აშშ-ის საელჩო საქართველოში ადასტურებს, რომ პრემიერ კობახიძეს ბაიდენის ადმინისტრაციამ მიწვევა გაუუქმა. “მთავარი არხისთვის” გამოგზავნილ წერილობით პასუხში, დიპლომატიური უწყება მიზეზად საქართველოს ხელისუფლების ანტიდემოკრატიულ ქმედებებს ასახელებს:

“ბაიდენის ადმინისტრაციამ გააუქმა პრემიერ-მინისტრ კობახიძის მიწვევა გაეროს ასოციაციის ყოველწლიურ მიღებაზე და უარი თქვა ქართულ დელეგაციასთან შეხვედრაზე საქართველოს მთავრობის ანტიდემოკრატიული ქმედებების, დეზინფორმაციისა და ნეგატიური რიტორიკის გამო აშშ-სა და დასავლეთის მიმართ.” – აცხადებს საელჩო

შეგახსენებთ, ინფორმაცია, რომ ბაიდენის ადმინისტრაციამ კობახიძეს მიღებაზე მიწვევა გაუუქმა და უარი უთხრა საქართველოს დელეგაციას შეხვედრებზე, “ამერიკის ხმამ” გაავრცელა. ამას ადასტურებენ “ოცნების” ხელისუფლებაშიც.

“მართლაც ასე მომხდარა” | პაპუაშვილმა დაადასტურა, ბაიდენის მიღებაზე კობახიძის მიწვევა გააუქმეს

“მთავარი არხის” ინფორმაციით, პრემიერის ფიასკოს აშშ-ში, დაპირისპირება მოჰყვა დავით ზალკალიანთან, რის შემდეგაც ზალკალიანმა თანამდებობიდან გადადგომის გადაწყვეტილება მიიღო, თუმცა ამ ეტაპზე საქართველოს საგარეო საქმეთა სამინისტროში ამ ინფორმაციას არ ადასტურებენ. კობახიძესა და ზალკალიანს შორის დაპირისპირებაზე კი უწყებაში არაფერს ამბობენ.

“მთავარი არხის” წყაროს ინფორმაციითვე, დავით ზალკალიანი წინასწარ ფლობდა ინფორმაციას, რომ ირაკლი კობახიძე პროტოკოლიდან ამოიღეს, თუმცა პრემიერს მან ამის შესახებ არ აცნობა.

“ოცნების” ხელისუფლებაში აშშ-ის გადაწყვეტილებას ჩვეული პროპაგანდით ეხმაურებიან და “დემარშად” აფასებენ. ხელისუფლების წარმომადგენლების მტკიცებით, შტატები ასეთი ქმედებებით ქართულ ოპოზიციას ეხმარება, რომელსაც მათივე შეფასებით “პულსი აღარ ესინჯება”.

სიახლეები

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან

აბუ-დაბიში დაკავებული მერაბ დვალიშვილი და საბა ლაზიშვილი თავისუფლები არიან - ინფორმაციას ჟურნალისტი არიელ ჰელვანი...

პაპუაშვილი-დღეს ევროკავშირი გადართულია საქართველოს დაზიანების კურსზე

დღეს ბრიუსელი ცდილობს რომ დააზიანოს საქართველო ყველანაირად - ეკონომიკურად, პოლიტიკურად, სოციალურად დააზიანოს ქართველი ხალხი,...

ევროკავშირი შავი ზღვის უსაფრთხოების ჰაბის შესაქმნელად 50 მლნ ევროს გამოყოფს

ევროკავშირი სამოქალაქო გემებზე თავდასხმების გახშირების ფონზე, რუმინეთ-ბულგარეთის ერთობლივი შავი ზღვის საზღვაო უსაფრთხოების ჰაბის შექმნის...

ჟურნალისტ გურამ როგავაზე თავდასხმაში ბრალდებულ სპეცრაზმელს 5-წლიანი პატიმრობა მიესაჯა

ჟურნალისტ გურამ როგავაზე 2024 წლის საპროტესტო აქციაზე თავდასხმაში ბრალდებულ სპეცრაზმელს, გურამ კირკიტაძეს, 5-წლიანი პატიმრობა...